أبويا طلع فِل يا جدعان !!

اتصدمت من كام يوم لما كنت في دمياط وأنا بقلب

في (البدروم) لما لقيت الكتيب ده

قلت مش ممكن الراجل اللي أنا ائتمنته على بيتي

وأسرتي وأنا غايب يطلع فل كبيييييييير ؟!!!

طبعا مستنتش طلعت وواجهته وسألته وأنا منهار

الكتاب ده بتاااااااااعك ؟؟ رد بهدوء فظيع أيوة

وأنا في التربية والتعليم كانوا بيسلموه لنا كلنا

متقلقش أنا عمري ما كنت في الحزب الوطني

خدت نفس عميق وقلت

دلوقتي بس طمنتني على أمي وأخواتي اللي معاك في البيت

بس أنا بردو كنت متأكد أن هذا (العميل)

(اللي هو أنا) ملوش أي جذور (وطنية)

أنا آسف يا حاج ابراهيم :)

مأساة "عجوز"

وانا مروح بيتنا من يومين حوالي الساعة الـ 4 فجرا

وقفت دقيقتين انا وصديقي ميسرة على ناصية شارعنا

(في دمياط)فسمعنا صوت امرأة (عجوز) تردد

"أنا هموت" قالتها حوالي 10 مرات بصوت عالي ومسموع

استغربت جدا قلتله أيه ده يا بني مين دي ؟

قالي بمنتهى الهدوء : انت أول مرة تسمعها

دي كل يوم على كدة من فترة طويلة !!
لما سألت هي مين زعلت قوي لما عرفت

أن لها أولاد وأحفاد وساكنين على بعد أمتار منها

أقسم بالله وهي بتقول كدة انا كنت بترعش من الألم

مش متصور أنهم نايمين وسايبنها كدة تتألم طول الليل

البكاء والألم دا طول الليالي لا ينم أبدا عن رضا

ربنا عن أولادها .. أنا بس بفكرهم وبفكركوا

أن ربنا سبحانه وتعالي قال
{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا

إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاهُمَا فَلاَ تَقُل لَّهُمَا أُفٍّ

وَلاَ تَنْهَرْهُمَا وَقُل لَّهُمَا قَوْلاً كَرِيمًا *

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ

وَقُل رَّبِّ ارْحَمْهُمَا كَمَا رَبَّيَانِي صَغِيرًا} .. صدق الله العظيم
أرجوكم .. ادعوا الله أن يخفف ما بها من آلآم ..

بيقولوا النهاردة عيد الأم !!!!

بيقولوا ان النهاردة عيد الأم ؟؟ مش عارف يعني ايه ؟

عموما النهاردة اليوم الوحيد اللي هحاول جاهدا اني مكلمش أمي فيه

بس يريت بقى كل اللي (مبيعبرش) أمه

يقولها النهاردة زي ما بيعمل كل سنة

وأنا طفل كنت بحلم أبقى ..

وانا طفل كنت بحلم يبقى عندي قوة خارقة

أستعملها في الخير

يعني مثلا أكون بختفي علشان لو في واحد ظالم أضربه

أو أكون بطير علشان لو في واحد تايه في الصحرا

أروح بسرعة أنقذه

لكن لما كبرت اكتشفت أنك مش محتاج تملك قوة

خارقة علشان تنصر المظلومين أو تنقذ المكروبين

لكن محتاج يكون عندك ايمان وعزيمة وصبر

علشان تنصر أمة كاملة

الخلاصة
أحلامنا الجميلة لنهضة بلدنا قريبة قوي

لكن محتاجه شوية عزم

.

لا يضرهم من خذلهم

استغلوا رقة أفئدتنا .. فاستباحوا دماءنا واستحيوا نساءنا

لسنا ضعفاء ولكنا ندعوا كما دعا محمداً

اللهم إليك نشكوا ضعف قوتنا ، وقلة حيلتنا ،

وهواننا على الناس

أنت رب المستضعفين وأنت ربنا إلى من تكلنا

إلى عدو يتجهمنا ، أم إلى قريب ملكته أمرنا

إن لم يكن بك غضب علينا فلا نبالي ،

ولكن عافيتك هي أوسع لنا

نعوذ بنور وجهك الذي أشرقت له الظلمات ،

وصلح عليه أمر الدنيا والآخرة

أن تنزل بنا غضبك أو تحل علينا سخطك ،

لك العتبى حتى ترضى

ولا حول ولا قوة إلا بك

.

حينما أعبث بأفكاري

في كل ليلة ،، وقبل أن أخلد إلى النوم ،، يأتني صديقي العزيز ،، فيسامرني ،، ويحاورني

ويجادلني ،، ولأنني عنيد ، فلا أستطيع النوم

بالأمس قال لي ألا تدعُ الله أن يصلح لك حالك !؟ فدعوت

فلم يرض أن يتركني بهذه السهولة للنوم وقال :

ويحك ،، ألا تدعُ الله أن يرزقك زوجة صالحة ؟؟

فتيقنت أنه يريدني فترة أطول ، فقلت : ماذا تريد ؟

لا شيئ أريد فقط أن تفكر في الأمر ولو قليلاً

فقلت : والله أفكر ولكن لا ترهقني من أمري

قال : والله ما أريد إلا أن أريح لك قلبك

انه يبعث لي بومضات أفهمها ،، أولا تشعر بها ؟؟

قلت : إني أشعر ولكن ،، أو تجادلني في وقت آخر ؟

قال : لا ،، استمع إليه ،، إنه ينبض ،، "نعم ،، وأنا أيضا "

فقلت : هل تفهم نبضاته ؟؟

فقال : عجباً هو قلبك ،، أو لا تفهمه ؟

فقلت : بلى ولكني أفكر بك أنت وأعمل بك أنت

فقال : اذن انت الآن من ترهقني ،،

يا هذا ،، ناقشني في حديث قلبك ولكن استمع إليه ، ولا تنحه

فقلت : لا أفهم

قال : أحب فيك إعمالك لي ولكن بدون قلبك فأنت أجوف

فقلت يا عقلي لا أفهم كثيراً مما تقول

فقال : أذكرك بأني أتحدث عن زوجة صالحة تملأ عليك جوفك

تسرك حينما تناظرها ، تضمك في وحدتك

تختارها بعقلك ،، ولكن تحبها بقلبك وتملؤها وداً وحنان

فقلت : هي أماني ،، ولكن كيف تكون حقيقة ؟؟ ها ؟؟ "أخبرني" ؟؟ !!

فقال : لا ،، لا لا ،، ليس الآن ،، الساعة اقتربت على التاسعة "

قم من نومك فقد حان وقت العمل

:( :( :(

.

حبيبتي

أحبها أكثر من أي شيئ في الوجود

لم أكن أتخيل أني أحب لهذة الدرجة

كم كانت أيام جميلة حينما أدركت أني أعشقك

حقيقة تألمنا ،، ولكن عرفنا معنى الغرام

الوءام ,, السلام ،، والأمان

علمنا أننا نذوب غراما في تراب أرضك

أننا وأننا وأننا

أننا نحبك يا بلدي يا عشقنا الأوحد

سلمتي لنا من كل شر

/>

أمي الحبيبة .. ولكن بصوتي

كل سنة وانتي طيبة يا أمي .. مع اني مش من اللي بيأيدوا اني لازم

أقول كدة كل سنه في نفس اليوم

لأنك عارفة أنتي غالية عندي أد ايه وكل يوم وكل ثانية وطول العمر ،

هتفضلي حبيبتي ونور عنيا

دي هدية بسيطة مني ليكي ، وهو دا حالنا لما غبتي عننا

فيديو في حبك يا أمي ، بصوتي أتمنى أن يعجبكي

حبيبك محمود
.

صديقي وزميلي بالعمل محمود الديك .. إلى رحمة الله

البقاء لله والدوام لله .. وإنا لله وإنا إليه راجعون
زميلي العزيز محمود الديك أدعوا الله أن يجعلك من المقبولين
وأن يغفر لك ما تقدم من ذنبك وأن يرحمك إنه أرحم الراحمين
وأن يدخلك فسيح جناته .. إنه على ما يشاء قدير


بسم الله الرحمن الرحيم
"( كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ)
صدق الله العظيم


أسأل الله تعالى ان تكون من الفائزين
صديقك وأخيك محمود ابراهيم
.

25 يناير يوم خالد في تاريخ مصر

افرحي يا مصر واوعي تزعلي ..

النهاردة يومك يا مصر

أنا مكنتش مصدق اني هعيش علشان اشوف يوم زي ده

النهاردة بس شوفت أد ايه شعبك أصبح جريئ

أيوة أصبح .. لأننا فعلا كنا بنخاف ..

النهاردة بس راح الخوف يا مصر ..

زي ما هيروح معاه كل الخونة والمجرمين

بس خللي بالك يا مصر

الثورة دي مش بس ضد المجرمين والمفسدين

ولا بس الخونة الكدابين .. ولا بس الحرامية والمنتفعين

ولا بس ضد اللي كلوا خيرك يا مصر

لازم تكون بنية .. والنية .. في سبيل الله

كل اللي أقدر أقولهولك يا مصر

"حمدلله ع السلامة يا بلدي "

..

من هنا شوفوا كل الصور والفيديوهات المؤثرة وكل أخبار مصر في 25 يناير

..

محمود ابراهيم

.

أمي الحبيبة

أمي الحبيبة
وحشتيني قوي
البيت من غيرك
أعمى

انتي نورنا وضينا
انتي حياتنا وفرحنا
لما غبتي عننا
كانت حياتنا معكننة
امي
وكفاية مدح في حقك انك أمي
قلبك
وعنيكي
وتراب رجليكي
بحبه
بحبه يا أمي

في أول مرة تغيبي
بيتنا كأنه خرابه مضلمة
مكناش نعرف انك نور قلبنا

أيام كنت اقولك زهقتيني
مكنتش اعرف انك استحملتيني
كنت دايما سئيل معاكي
وعمري ما طلبت رضاكي
واقولك وجعتي قلبي
وكمان دماغي
لكن لما بعدتي عني
ينحرق قلبي
بس أنول رضاكي

وانتي مسافرة كل الناس عيطوا
إلا انا
لما بعدتي لقيتهم كلهمم متشوقين
بس أولهم انا
ناقص اقولك اني انا
بحبك حب محبوش ابن عبد الرازق
دا انتي ضي عنيا انا

أمي
أمي أمي
نفسي اقولها كتير
بس تعرفي
في الجنه
هتبقي في قصر كبير
ومعاكي الحاج العنتيل
وكل شوية أقولك يا ماما
تبصيلي
نعم يا حبيبي
اقولك بحبك
اقولها واسمع هيما
اللي في القصر اللي جمبينا
يقوم يقوللي
اسكت بقى .. ازعجتنا
فأقوله اعمل ايه
بحبها والله بحبها
وساعتها بقى
لا انت ولا غيرك
هتمنعني عن حبها

نفسي اقولك حاجة أخيرة
اللي بيني وبينك
مش حب أمير ولا أميرة
اللي بيني وبينك
صعب أوصفه بحروف كتيرة
اللي بيني وبينك
ود أهل وعشيرة
اللي بيني وبينك
قلب .. وعقل .. ودين
وسكة طويلة
بحبك يا أمي
Pfdf; lpl,]